ԱՄՆ-ում հայտնի է դարձել նախագահի առաջին պաշտոնական թեկնածուն

ԱՄՆ-ում Լիբերտարիանական կուսակցությունն առաջինն է որոշել այս տարվա նոյեմբերին անցկացվելիք ընտրություններում ԱՄՆ նախագահի իր թեկնածուին, հայտնում է Fox News-ը։

Նշվում է, որ թեկնածու է դարձել Նյու Մեխիկո նահանգի նախկին նահանգապետ Գերի Ջոնսոնը: Կուսակցական համագումարին նա հավաքել է ձայների կեսից ավելին՝ 55,8 տոկոս:

Քվեարկության արդյունքներով Ջոնսոնը հայտարարել է, որ հետագայում նա առավելագույնս լուրջ կաշխատի կուսակցությունն ըստ արժանվույն ներկայացնելու համար:

Fox News հեռուստաալիքը նշում է, որ հաշվի առնելով հանրապետական Դոնալդ Թրամփի և դեմոկրատ Հիլարի Քլինթոնի ցածր պոպուլյարությունը՝ Ջոնսոնը որոշակի դրական հեռանկարներ ունի նոյեմբերյան ընտրություններում։

Ջոնսոնը հայտարարել է արտասահմանում ԱՄՆ ռազմական ակտիվությունը կրճատելու անհրաժեշտության մասին, որը, նրա կարծիքով, նվազեցնում է իր երկրի համար անվտանգության մակարդակը: Լիբերտարիանցիները նաև հանդես են գալիս հարկերի և բյուջետային ծախսերի կրճատման օգտին: