Տեխասում ջրհեղեղների զոհ է դարձել 6 մարդ (լուսանկարներ)

09:48 • 30.05.16

Ամերիկյան Տեխաս նահանգում առատ անձրևների հետևանքով առաջացած հեղեղումների զոհն է դարձել 6 մարդ, հայտնում է Asssociated Press գործակալությունը:

Աղբյուրը նշում է, որ Օսթին քաղաքի մոտակայքում հայտնաբերվել է կնոջ դի, ով անհետացել էր կիրակի՝ կեսօրից հետո: Նա մեքենայով 2 տղամարդու հետ գնալիս է եղել, երբ նրանց քշել են գետի ջրերը: Ուղևորներին հաջողվել է հասնել ցամաք, խորտակված կնոջը ջրերը տարել են 14 կմ հեռու: Մյուս զոհի մարմինը հայտնաբերել է փրկարարական ուղղաթիռի անձնակազմը:

Եվս 4 մարդու մահ հաստատել էին շաբաթ օրը Վաշինգտոն շրջանի իշխանությունները:

Վերջին 3 օրվա ընթացքում ԱՄՆ կենտրոնական մասում առատ անձրևները հանգեցրել են խոշոր հեղեղումների:

<div class="meta image-caption"><div class="origin-logo origin-image none"><span>none</span></div><span class="caption-text">Tomball flooding. May 28, 2016</span></div>