Ռուսաստանում բնակելի շենքի մի հատվածը փլուզվել է. կա զոհ և տուժածներ (տեսանյութ)

Ռուսաստանի Կեմերովի մարզի Մեժդուրեչենսկ քաղաքում փլուզվել է 5 հարկանի բնակելի շենքի  մուտքերից մեկը: РИА Новости-ի հաղորդմամբ` միջադեպի հետևանքով մահացել է մեկ մարդ, ևս երեքը տուժել են: 

Տեղի արտակարգ իրավիճակների ծառայության ներկայացուցչի խոսքով` փլվածքի տակ կարող է մոտ 10 մարդ մնացած լինել: Բեկորները հեռացնելու աշխատանքներին մասնակցում են 179 փրկարար և 39 միավոր տեխնիկա:

Նշվում է, որ փրկարարներին արդեն հաջողվել է մեկ մարդու անվնաս դուրս բերել փլատակների տակից:  Որոնողափրկարարական ջոկատի ներկայացուցիչը հայտնել է, որ փլուզումների վտանգ դեռևս չկա:

Արտակարգ իրավիճակների ծառայության տվյալներով` տուժել են 16 բնակարաններ, որոնց կեսն ամբողջովին ավերվել է:

Քննչական հանձնաժողովի տեղի վարչությունը քրեական գործ է հարուցել` շինարարական աշխատանքներ իրականացնելիս անվտանգության կանոնները խախտելու մասին հոդվածով: