Ամերիկյան կենդանաբանական այգու տնօրինությունը գորիլային սպանելը ճիշտ որոշում է համարում (լուսանկար, տեսանյութ)

ԱՄՆ Ցինցինատի քաղաքի կենդանաբանական այգու տնօրենը, որտեղ սպանել էին գորիլային, հայտարարել է, որ աշխատակիցները նույնը կանեին, եթե իրավիճակը կրկնվեր, հայտնում է Reuters գործակալությունը:

Ավելի վաղ հաղորդվել է, որ այգու աշխատակիցները ստիպված են եղել գնդակահարել Հարամբե անունով գորիլային, երբ 4-ամյա տղան ընկել է կենդանու վանդակը:

Ականատեսները հայտնել են, որ կենդանին երեխային քարշ է տվել վանդակով մեկ: Արդյունքում՝ այգու աշխատակիցները կրակել են գորիլայի վրա, իսկ երեխան հոսպիտալացվել է:
 

«Հետ նայելով` մենք նույն որոշումը կկայացնեինք»,- ասել է կենդանաբանական այգու տնօրեն Թեյն Մեյնարդը:

Ներկայում մոտ 180.000 մարդ ստորագրել է խնդրագիր` պահանջելով պատժել երեխայի ծնողներին: