Թաիլանդի տաճարներից մեկում վագրի 40 սատկած ձագ է հայտնաբերվել (լուսանկար)

15:02 • 01.06.16

Թաիլանդի բուդդիստական տաճարներից մեկում, որը կրում է «Վագրի տաճար» անվանումը, հայտնաբերվել է վագրի 40 սատկած ձագ, որոնք գտնվել են այնտեղ տեղադրված սառնարանային խցերից մեկում:

Ինչպես հայտնում է bbc.com-ը, այս տաճարի հասցեին վերջին շրջանում հաճախակի են հնչում մեղադրանքներ` կապված վայրի կենդանիների ապօրինի վաճառքի հետ:

Երկուշաբթի տեղի ոստիկաններն ու բնապահպանական կազմակերպությունների ներկայացուցիչներն իրականացրել են հատուկ օպերացիա, որի նպատակն է եղել տաճարից հեռացնել այնտեղ ապրող բոլոր վագրերին: Խուզարկության արդյունքում հայտնաբերվել է 4 տասնյակ սատկած ձագ, որոնք եղել են ընդամենը մի քանի օրական:

Հայտնի է, որ վագրերի միսն ու ոսկորները լայնորեն կիրառվում են չինական ավանդական բժշկության մեջ ու վաճառվում են բավական բարձր գնով: Իրավապահների փոխանցմամբ՝ դեպքի առնչությամբ հետաքննություն է սկսվել:

Աղբյուրը մանրամասնում է, որ «Վագրի տաճարն» ակտիվ զբոսաշրջային կենտրոն է, որտեղ 130-ից ավելի վագրեր բնակվում են վանականների հետ: Այստեղ զբոսաշրջիկները հնարավորություն ունեն լողալ գիշատիչ կատվազգիների հետ, ձեռքով կերակրել նրանց ու խաղալ հետները:

Thai wildlife officials use a tunnel of cages to capture a tiger and remove it from an enclosure at the Wat Pha Luang Ta Bua Tiger Temple in Kanchanaburi province
A dead tiger cub is held up by a Thai official after authorities found 40 tiger cub carcasses during a raid on the controversial Tiger Temple,
Thai DNP officers collect samples for DNA testing from the carcasses of 40 tiger cubs found undeclared at the Wat Pha Luang Ta Bua Tiger Temple on June 1, 2016 in Kanchanaburi province, Thailand.