Ամեն օր երազ եմ տեսնում, որ ջարդված ոտքերով մեքենա եմ քշում. վիրավորված զինծառայող (տեսանյութ)

Լեռնային Ղարաբաղի Հանրապետության սահմանային դիրքերից մեկում ջուր տեղափոխելու ժամանակ մեքենայով ականի վրա հայտնված ու վիրավորում ստացած վարորդ, պայմանագրային զինծառայող Վարդան Առաքելյանը չի կարողանում հասկանալ, թե այդ օրն ինչո՞ւ փոքր- ինչ շեղեց մեքենայի ճանապարհը։ 

«Այդ անգամ սատանան մտավ մեջս, ասաց՝ կթեքվես, թեքվեցի՝ տրաքեց»,- Tert.am-ի հետ զրույցում ապրիլի 29-ի այդ դեպքից պատմեց տուժած զինծառայողը։ Նա այս պահին բուժում է ստանում Երևանի ՊՆ Կենտրոնական կլինիկական զինվորական հոսպիտալում։

Երկու ոտքերից վիրավորված Վարդանն անգամ նման պայմաններում չի կորցրել հումորի զգացումն ու սայլակի վրա իր պայթած, ապա այրված ավտոմեքենայի համարանիշն է ամրացրել։
 

«Այդ մեքենան ինձ շատ հոգեհարազատ մեքենա էր։ Դրել եմ, որ հիշեմ։ Մարդիկ նայում են, ծիծաղում, ասում են՝ այդ ի՞նչ համարներ ես դրել»,- ժպիտով պատմեց զինծառայողը։

Մանրամասները՝ տեսանյութում։