Չեխիայում գերթեթև ինքնաթիռ է կործանվել

Չեխիայի հյուսիսային Նիմբուրկ քաղաքի օդանավակայանում այսօր փոքր ինքնաթիռ է ընկել, որի հետևանքով 2 մարդ է զոհվել: Այս մասին հայտնում է ТАСС գործակալությունը` վկայակոչելով չեխական լրատվական գործակալությունը:

«Նիմբուրկի օդանավակայանի տարածքում 13:00-ի դրությամբ (14:00` երևանյան ժամանակով) գերթեթև ինքնաթիռ է կործանվել: Զոհվել են օդաչուն և նրա հետ խցիկում գտնվող ուղևորը», - նշել է տեղի ոստիկանության ներկայացուցիչը:

 Նրա խոսքով` օդաչուն չի կարողացել խուսափել գետնի հետ բախումից: Միջադեպի  պատճառները պարզվում են: