Բոլիվիայում ոստիկանությունն արցունքաբեր գազի միջոցով ցրել է հաշմանդամ ցուցարարներին (տեսանյութ)

Բոլիվիայի Լա Պաս քաղաքում ոստիկանությունը հաշմանդամների ցույցը ցրել է արցունքաբեր գազի միջոցով:

Սայլակներով և հենակներով մարդիկ պահանջել են կառավարությունից է՛լ ավելի մեծ աջակցություն, ներառյալ` թոշակների բարձրացում և սոցիալական ադապտացիայի համար պայմանների բարելավում։ Սակայն նրանց պահանջները չեն լսել, գրում է Вести-ն։

Ավելին, մահակներով զինված ոստիկանները վահաններով ուժով հետ են մղել ցուցարարներին:
Տեսախցիկներն արձանագրել են սարսափելի տեսարաններ, որտեղ անօգնական մարդկանց պարզապես նետում են գետնին: Շատ հաշմանդամներ լուրջ վնասվածքներ են ստացել: