Երեկ Էջմիածնում սպանվածը գեներալ Մանվելի վարորդներից մեկի հայրն էր

Երեկ ուշ երեկոյան կրծքավանդակի հրազենային վնասվածքով Էջմիածնի հիվանդանոց տեղափոխված և գիտակցության չգալով կես ժամ անց մահացած 59-ամյա Վահան Գրիգորյանը գեներալ Մանվելի վարորդներից մեկի հայրն էր: 

Tert.am-ին հաջողվեց պարզել, որ սպանված Վահան Գրիգորյանը գեներալ Մանվելի վարորդներից Արտակ Գրիգորյանի հայրն է: Արտակ Գրիգորյանը վերջին շրջանում գեներալի հետ եղել է Արցախում ու հիմնականում տեղափոխել նրա աշխատակազմին:


Նշենք, որ ըստ ոստիկանության, դեռևս չպարզված հանգամանքներում արձակված կրակոցից Վահան Գրիգորյանը հրազենային վնասվածքը ստացել է Էջմիածին քաղաքի «Մատուռ» կոչվող տարածքի հարակից դաշտում: Ըստ Գրիգորյանի որդու` Արտակ Գրիգորյանի հայտարարության, ինքը նշված վայրում, հոր կողքին, հայտնաբերել է նրան պատկանող «Մակարով» ատրճանակը` լիցքավորված 6 փամփուշտով:


Հանգամանքները պարզվում են, նշանակվել է դատաբժշկական փորձաքննություն: 

Այսօր Էջմիածնում տեղի կունենա Վահան Գրիգորյանի հոգեհանգիստը: