Ռիկի Մարտինը Լիբանանում այցելել է սիրիացի փախստականներին

17:58 • 04.06.16

Հայտնի փոփ երգիչ Ռիկի Մարտինը, ով նաև ՅՈՒՆԻՍԵՖ-ի բարի կամքի դեսպան է, այցելել է Լիբանանում սիրիացի փասխատականների ճամբարը:

Ինչպես հայտնում է Al Arabiya-ը, համաշխարհային հռչակ վայելող երգիչը նշել է, որ միջազգային հանրությունը պիտի իր սիրտը բացի փախստականների առաջ:

Քառասունչորսամյա Մարտինի խոսքերով, ինքը մինչև հոգու խորքը հուզված է եղել հատկապես մանկահասակ փախստականների հետ հանդիպումից: Նա պատմել է 11-ամյա Բաթուլի մասին, ով օրական 12 ժամ աշխատում է ու դրա դիմաց վճարվում է խմելու ջրով:

«Եվ սա տեղի է ունենում մեր երեխաների` մեր ապագա սերնդի հետ»,-ասել է երգիչը: