Եղանակն՝ այսօր
Հռոմի Հովհաննես Պողոս II պապի մասունքները գողացել են Քյոլնի տաճարից
23:45 • 05.06.16
Հռոմի Հովհաննես Պողոս II նախկին պապի արյան կաթիլներ պարունակող գործվածքը գողացել են Քյոլնի տաճարից: Այս մասին հաղորդում է Reuters գործակալությունը` վկայակոչելով Գերմանիայի ոստիկանությանը:
Ոստիկանության ներկայացուցչի խոսքով` մասունքի բացակայությունը կիրակի նկատել է տաճարի այցելուներից մեկը և տեղյակ պահել եկեղեցու ներկայացուցչին:
Մասունքը պահվում էր ապակյա անոթի մեջ, որը տեղադրված էր Հովհաննես Պողոս II պապի (1978-2005) արձանի դիմաց:
Ոստիկանության տեղեկացմամբ` ապակյա անոթը արձանի մոտից անհետացել է շաբաթ գիշերվանից մինչև կիրակի առավոտյան ընկած ժամանակահատվածում:
Placeholder
Studio One