Սնոուդենը պատմել է, թե ինչպես է ԱՄՆ-ն հետևում Ճապոնիայի յուրաքանչյուր քաղաքացու

Ամերիկյան հատուկ ծառայությունների նախկին աշխատակից Էդվարդ Սնոուդենը պատմել է Ճապոնիայում աշխատանքի մասին, նշելով, որ ԱՄՆ-ում  «ստեղծվել են ցանկացած մարդու կյանքի պատկերը». հայտնում է  Взгляд-ը:

«Նրանք գիտեն ձեր հավատքի մասին, գիտեն ում եք սիրում, ում մասին հոգ տանում: Իմ աշխատանքն էր ստեղծել ցանկացած մարդու կյանքի պատկերը»,-ասել է Սնոուդենը:

2009-2011 թվականներին նա բնակվել է Տոկիոյում ԱՄՆ-ի ռազմաբազայում, համարվել է համակարգչային հսկա Dell-ի աշխատակից և աշխատել է ԱՄՆ-ի ազգային անվտանգության գործակալության համար:

Նրա խոսքով՝ ԱՄՆ հետախուզությունը հետաքրքրող տեղեկատվությունը հավաքում է ցանկացած օգտատիրոջ հեռախոսների ու համակարգիչների վերլուծությունից:

ԱՄՆ հետախուզության նախկին աշխատակիցն ընդգծել է, թե չի ցանկանում ապրել մի աշխարհում, որտեղ հետևում ու վերահսկում են ամեն քայլը, և ապագա սերունդների համար պետք է ստեղծել գաղտնալսումներից զերծ հասարակություն:

2013 թվականի հունիսին  Էդվարդ Սնոուդենը հայտարարել էր, որ ամերիկյան խոշոր ինտերնետային ընկերությունները հատուկ ծառայություններին հասանելիություն են տրամադրում իրենց սերվերներին, ինչը նրանց թույլ է տալիս ցանկացած տեղեկություն ստանալ՝ ողջ աշխարհի օգտատերերի մասին:

Ռուսաստանը Սնոուդենին ժամանակավոր ապաստան էր տրամադրել՝  ԱՄՆ-ի դեմ գործունեությունը դադարեցնելու պայմանով: