Եղանակն՝ այսօր
Ռիո դե Ժանեյրոյում Օլիմպիադային ընդառաջ հայտնել են ֆինանսական միջոցների «սուր անբավարարության» մասին
Բրազիլական Ռիո դե Ժանեյրո նահանգում արտակարգ դրության ռեժիմ է հայտարարվել ֆինանսական միջոցների հսկայական անբավարարության պատճառով:
Իշխանությունները ծայրահեղ քայլի են դիմել`«անվտանգության, առողջապահության, կրթության, տրանսպորտի և բնապահպանության ոլորտներում խոշոր կոլապսից խուսափելու համար», փոխանցում է Reuters-ը:
Համաձայն կառավարության հրապարակած զեկույցի՝ ճգնաժամը կարող է խանգարել նահանգին կատարել Օլիմպիական և Պարալմպիական խաղերի անցկացման համար ստանձնած պարտավորությունները:
Ռիոյի քաղաքապետ Էդուարդո Պաեսը, սակայն, վստահեցրել է, որ արտակարգ դրությունը ոչ մի կերպ չի հետաձգի օլիմպիական նախագծերի իրականացումը, և Խաղերը կանցկացվեն հավուր պատշաճի: Նա հատուկ նշել է, որ ֆինանսական աղետը չի վերաբերում օլիմպիական օբյեկտներին, դրանք բոլորը կհանձնվեն մրցումները սկսելուց մի քանի օր առաջ:
Աղբյուրը նշում է, որ հատկապես շատ հարցեր է առաջացնում Օլիմպիադայի անցկացման անվտանգությունը, քանի որ վերջին ամիսներին նահանգում գրանցվել է հանցավորության կտրուկ աճ, իսկ հանցավորության դեմ պայքարի ֆինանսավորումը կրճատվել է 30%-ով:
Studio One