Ճապոնիայի իշխանությունները հրահանգել են արձակման դեպքում խոցել հյուսիսկորեական հրթիռը

Ճապոնիայի իշխանությունները, նկատելով, որ Հյուսիսային Կորեան նախապատրաստվում է բալիստիկ հրթիռի արձակման, հրահանգ են տվել անհրաժեշտության դեպքում խոցել արձակված հրթիռը:

Ինչպես նշում է gazeta.ru-ն, Ճապոնիայի պաշտպանության նախարար Հեն Նակատանին հրահանգել է «Patriot» PAC-3 և SM3 հրթիռների միջոցով խոցել հյուսիսկորեական հրթիռը, եթե այն մոտենա ճապոնական ափերին:

Աղբյուրը մանրամասնում է, որ հյուսիսկորեական բալիստիկ հրթիռի գործողության շառավիղը կարող է կազմել 2500-4000 կմ:

Հիշեցնենք, որ ավելի վաղ պաշտոնական Փհենյանը սպառնացել է հրթիռային հարվածներ հասցնել  տարածաշրջանում ամերիկյան կայանների ուղղությամբ: