Եղանակն՝ այսօր
Եվրոպայում ամենաաղտոտված օդն ունեցող 10 քաղաքներից 8-ը Թուրքիայում են գտնվում. ԱՀԿ
17:29 • 14.02.17
Առողջապահության համաշխարհային կազմակերպությունը (World Health Organization) հրապարակել է Եվրոպայում ամենաաղտոտված օդն ունեցող 10 քաղաքների անունները, որոնցից 8-ը գտնվում են Թուրքիայում:
Ինչպես հայտնում է The Guardian-ը՝ բացի թուրքական 8 քաղաքներից՝ ցուցակում տեղ են գտել նաև մակեդոնական և բոսնիական մեկական քաղաք:
Ցուցակի առաջատարն է մակեդոնական Տետովո քաղաքը, դրան հաջորդում է Թուրքիայի հարավ-արևելքում գտնվող Բաթմանը, որտեղ գտնվում է նավթավերամշակման խոշոր գործարան: Երրորդ տեղում է կրկին թուրքական քաղաք՝ Հաքքարին, այնուհետ՝ Գազիանթեփը:
Բոսնիա և Հերցեգովինայում գտնվող Թուզլա քաղաքը հայտնվել է ցուցակի հինգերորդ տեղում, նրան հաջորդում են Թուրքիայի Սղերդ, Աֆյոն, Քարաման, Իգդիր և Ըսպարտա քաղաքները:
Placeholder
Studio One