Իրանում փորձարկել են կատարելագործված հրթիռներ

Իրանում հայտարարել են, որ զորավարժությունների ժամանակ փորձարկել են կատարելագործված հրթիռներ: Այդ մասին հայտնում է Associated Press-ը՝ վկայակոչելով իրանական «Թասնիմ» գործակալությանը:

Լրատվամիջոցի տվյալներով՝ հրթիռներն արձակվել են երկուշաբթի՝ երկրի կենտրոնական հատվածում մեկնարկած Իսլամական հեղափոխության պահապանների կորպուսի զորավարժությունների ընթացքում:

Գործակալությունը նշում է, որ հրթիռները հաջողությամբ խոցել են թիրախները: Հրթիռների տեսակի և բնութագրերի մասին տվյալներ չեն հաղորդվում: