Արիզոնայի գեղեցկության սրահներից մեկում 4-ամյա աղջնակը մի կերպ է խուսափել հրաձգության զոհ դառնալուց (տեսանյութ)
ԱՄՆ Արիզոնա նահանգի գեղեցկության սրահներից մեկի ուղղությամբ կրակոցներ են արձակվել, և սրահում գտնվող 4 տարեկան աղջիկը հազիվ է խուսափել փամփուշտներից: Այս մասին հայտնում է ABC News-ը:
Աղբյուրի հաղորդմամբ` միջադեպը տեսագրվել է գեղեցկության սրահի տեսահսկման խցիկների միջոցով, որն ավելի ուշ լրատվամիջոցներին է տրամադրել տեղական ոստիկանական բաժանմունքը:
Ինչպես կայքին հայտնել են ոստիկանության աշխատակիցները, հրաձգությունը ենթադրաբար իրականացրել է սրահի հարևանությամբ գտնվող դաջվածքի սրահի տերը` կրակելով աշխատողների վրա:
Տեսագրությունում երևում է` ինչպես է կրակոցների արձակման պահին պատուհանի մոտ նստած երեխան այսուայն կողմ վազում՝ փրկվելով մահից։
Նշվում է, որ միջադեպի հետևանքով աղջիկը չի տուժել. նա թեթև վնասվածքներ է ստացել կոտրված ապակու բեկորներից:
Ոստիկանության հաղորդմամբ` հրաձգության կասկածանքով ձերբակալվել է երկու մարդ:










