Պուտինը ժամանել է Բիշքեկ՝ ԵԱՏՄ բարձրագույն խորհրդի նիստին մասնակցելու համար

09:52 • 14.04.17

Ռուսաստանի Դաշնության նախագահ Վլադիմիր Պուտինը ժամանել է Բիշքեկ, որտեղ կմասնակցի Եվրասիական տնտեսական միության (ԵԱՏՄ) բարձրագույն խորհրդի նիստին ու կհանդիպի Հավաքական անվտանգության պայմանագրի կազմակերպության (ՀԱՊԿ) անդամ պետությունների ղեկավարներին:

Ինչպես նշում է ria.ru-ն, ԵԱՏՄ բարձրագույն խորհրդի նիստի շրջանակում կողմերը կքննարկեն վերջին ժամանակահատվածում միության իրականացրած գործունեությունը, ինչպես նաև 2017-2018թթ. համար մակրոտնտեսական քաղաքականության ուղենիշերը:

Աղբյուրը մանրամասնում է, որ ՀԱՊԿ պետությունների ղեկավարների ոչ պաշտոնական հանդիպմանը կմասնակցեն Ռուսաստանի, Բելառուսի, Հայաստանի, Ղազախստանի, Տաջիկստանի, Ղրղզստանի ղեկավարները: