Հանրաքվեի դրական արդյունքը խելագարության կհասցնի ողջ Արևմուտքին և ահաբեկիչներին. Էրդողան

01:13 • 16.04.17

Թուրքիայի նախագահ Ռեջեփ Թայիփ Էրդողանը թուրք ժողովրդին կոչ է արել անպայման մասնակցել սահմանադրական փոփոխությունների հանրաքվեին, որը տեղի կունենա ապրիլի 16-ին, հայտնում է Reuters գործակալությունը:


«Ես հարգում եմ սահմանադրական փոփոխություններին «ոչ» ասողներին , սակայն չեմ կարող հավասարության նշան դնել «այո» և «ոչ» պատասխանների միջև»,- հայտնել է երկրի նախագահը:


«Նկատի ունեցեք, որ ովքեր դեմ են փոփոխություններին, ոչ մի այլընտրանք չունեն դրանց», - ավելացրել է Էրդողանը:


Նրա կարծիքով հանրաքվեի դրական արդյունքը «խելագարության կհասցնի ողջ Արևմուտքին և ահաբեկիչներին»։


«Եկեք միասին անցկացնենք այնպիսի բարեփոխում, որը մի լավ դաս կտա Արևմուտքին ու ահաբեկիչներին»,- ասել է Թուրքիայի նախագահը։