Իսրայելում ավելի քան հազար պաղեստինցի դատապարտյալ հացադուլ է հայտարարել

16:04 • 17.04.17

Ավելի քան հազար պաղեստինցի, ովքեր իրենց պատիժը կրում են իսրայելական բանտերում, երկուշաբթի օրը հացադուլ են հայտարարել, հայտնում է BBC-ի ռուսական ծառայությունը:


Բողոքի ակցիան սկսվել է Իսրայելում ցմահ ազատազրկման դատապարտված պաղեստինական շարժման առաջնորդներից մեկի՝ Մարվան Բարգուտիի կոչից հետո:


Պաղեստինական ինքնավարության ներկայացուցիչ Իսա Կարակեի խոսքով՝ հացադուլի մասին հայտարարել է մոտ 1300 պաղեստինցի բանտարկյալ, նրանց թիվը կարող է աճել:


«Պաղեստինցի կալանավորների ակումբ» ոչ կառավարական կազմակերպությունում ակցիայի մասնակիցների թիվը նշվում է 1500:


Պաղեստինական ինքնավարության ներկայացուցիչների տվյալներով՝ իսրայելական բանտերում է պահվում մոտ 7 հազար պաղեստինցի: