Շամլուղի հանքավայրում 41-ամյա աշխատակիցը մնացել է հանքաքարի տակ

17:12 • 17.04.17

Լոռու մարզի Շամլուղի հանքավայրում այսօր՝ ապրիլի 17-ին, 41-ամյա Աղբալ Առաքելյանը հանքում հանքաքարի պոկման հետևանքով մնացել է հանքաքարի տակ և մարմնական վնասվածքներով տեղափոխվել Ալավերդու բժշկական կենտրոն. այս մասին Tert.am-ին ասացին Ալավերդու բժշկական կենտրոնից, որտեղից ասացին, որ տուժածը տեղափոխվել է Երևան՝ Էրեբունի ԲԿ:

Ալավերդու բժշկական կենտրոնից Tert.am-ին ասացին, որ տուժածը հիվանդանոց է տեղափոխվել մարմնական վնասվածքներով, սակայն նրա գիտակցությունը տեղն է եղել:

«Բայց բժիշկները խորհուրդ են տվել, որ տեղափոխեն Երևան»,-ասացին Ալավերդու հիվանդանոցի ընդունարանից, որտեղից դժվարացան ասել, տուժած Աղբալ Առաքելյանի կյանքին վտանգ սպառնում է, թե ոչ: