Ականատեսը տեսանկարահանել է փղիկի մենամարտը կոկորդիլոսի հետ (լուսանկարներ, տեսանյութ)
Մալավիի Լիվոնդե ազգային պարկի այցելուներից մեկը՝ Ալեքսանդր Մականգան, YouTube-ում հրապարակել է փղի ձագի վրա կոկորդիլոսի հարձակվելը պատկերող տեսանյութ:
Ինչպես նշում է The Daily Mail-ը, տղամարդը նկարահանելիս է եղել ջուր խմող փղերի խմբին, երբ հանկարծակի կոկորդիլոսը բռնել է ձագերից մեկի կնճիթը: Վերջինս սկսել է հուսահատ թափ տալ իրեն՝ փորձելով հետ շպրտել գիշատչին, սակայն ապարդյուն:
Այնուհետև մեծ փղերից մեկն օգնության է հասել ու քշել կոկորդիլոսին:
Տեսանյութի հեղինակը խոստովանել է, որ սկզբում չէր հասկացել, թե ինչ է կատարվում:
«Ես չէի գիտակցում իրավիճակի լրջությունը, մինչև այն պահը, երբ չավարտեցի նկարահանումը: Ուղղակի խենթություն էր, որը տեղի ունեցավ նավակից մի քանի մետր այն կողմ»,-նշել է Մականգան:













