Բաթումում ուժեղ քամին ծառեր է տապալել և տանիքներ վնասել

13:07 • 19.04.17

Լուսանկարը՝ Sputnik գործակալության արխիվից

 

Բաթումում գիշերն ուժեղ քամին ծառեր է տապալել և վնասել տանիքները, հայտնում է Грузия Online-ը:


Հաղորդվում է, որ Ֆրիդոն Խալվաշիի փողոցում ավտոմեքենայի վրա ծառ է ընկել, վնասվել են նույն փողոցի վրա գտնվող մի քանի տների տանիքներ:


Միաժամանակ, Բաթումի քաղաքապետարանի կանաչապատման և լանդշաֆտային ծառայության տեղեկատվության համաձայն, ուժեղ քամին ծառ է տապալել նաև Ադլիա թաղամասում, ինչը վնասել է գազի խողովակը:


Ծառեր են ընկել նաև այլ փողոցներում, ինչի առնչությամբ հատուկ աշխատանքներ են տարվում:


Օդերևութաբանների կանխատեսման համաձայն՝ Բաթումում օրվա ընթացքում քամի կլինի՝ վայրկյանում 10-15 մետր արագությամբ, իսկ տեղ-տեղ այն կարող է ուժգնանալ մինչև վայրկյանում 20-25 մետր: