Կիպրոսն իր աջակցությունն է հայտնել միջազգային հանրության կողմից Ցեղասպանության ճանաչմանն ուղղված ջանքերին

13:58 • 24.04.17

Կիպրոսի նախագահ Նիկոս Անաստասիադիսն ու նրա կառավարությունը խստագույնս դատապարտել են Հայոց ցեղասպանության հանցագործությունը՝ վերահաստատելով իրենց աջակցությունը միջազգային հանրության կողմից Ցեղասպանության ճանաչմանն ուղղված ջանքերին:

Ինչպես նշում է cna.org.cy-ն, Հայոց ցեղասպանության 102-րդ տարելիցի կապակցությամբ արված հայտարարությունում կառավարության խոսնակ Նիկոս Խրիստոդուլիդեսը նշել է, որ ապրիլի 24-ը համաշխարհային պատմության ամենաամոթալի էջերից է:

Պաշտոնյան ընդգծել է, որ Կիպրոսի կառավարությունը բացահայտ աջակցում ու իր համերաշխությունն է հայտնում հայ ժողովրդին՝ վերահաստատելով իր աջակցությունը միջազգային հանրության կողմից Ցեղասպանության ճանաչմանն ուղղված ջանքերին: