Իսլամիստները 2 տարի գերի են պահել իրաքցի տղային՝ Մեսի անվան համար (լուսանկարներ)
«Իսլամական պետություն» ահաբեկչական խմբավորումն առևանգել է 3-ամյա եզդի տղայի ու նրան 2 տարի որպես գերի պահել միայն այն պատճառով, որ փոքրիկի անունը եղել է Մեսի՝ ի պատիվ հանրահայտ ֆուտբոլիստ Լիոնել Մեսիի։
Ինչպես նշում է The Daily Mail-ը, փոքրիկն առևանգվել էր 2014թ.՝ Իրաքի հյուսիսային Սինջար շրջանում:
Հայտնի է, որ Մեսի անունով տղային առևանգողները նրա ծնողներից պարբերաբար փրկագին են պահանջել, սակայն նրա ընտանիքը վճարունակ չի եղել:
Աղբյուրը նշում է, որ Մեսին վերջերս է գերությունից ազատվել: Հայտնի է, որ իսլամիստները նրա անունը փոխել են՝ դարձնելով Հասան:
Ահաբեկիչների մոտ անցկացրած գերության տարիներն իրենց բացասական ազդեցությունն են թողել երեխայի հոգեբանության վրա: Այժմ նա շատ քիչ է խոսում, խաղալիքներից խաղում է միայն հրացանով, իսկ երբ հարցնում են, թե արդյոք ինքը Մեսին է, նա վախեցած գլուխը տարուբերում է:












