Սիրիայի առաջին տիկինը հյուրընկալել է հալեպահայ նահատակ Գրիգոր Աշնաքլյանի ընտանիքին

15:06 • 26.04.17

Սիրիայի առաջին տիկին Ասմա Ասադն ընդունել է հալեպահայ Աշնաքլյան ընտանիքին, որոնց որդին՝ Գրիգոր Աշնաքլյանը, զոհվել էր Հալեպի համար մղված մարտերի ընթացքում:

Ինչպես հայտնում է Perio News լրատվական գործակալությունը, Ասմա Ասադը հանդիպել է հայազգի նահատակի ծնողների, եղբոր և քրոջ հետ:

Սիրիայի առաջին տիկնոջ ֆեյսբուքյան պաշտոնական էջում հրապարակվել են նրա և Աշնաքլյանների լուսանկարները, ինչպես նաև գրություն. «Գրիգոր Աշնաքլյանը հաղթանակի ճանապարհով ընթացող Սիրիայի երկնքում աստղ է դարձել»: