Մահացել է միավորված Գերմանիայի առաջին կանցլերը

21:18 • 16.06.17

Գերմանիայի նախկին կանցլեր Հելմուտ Կոլը մահացել է կյանքի 88-րդ տարում Լյուդվիգսհաֆեն-ամ-Ռայն քաղաքի իր տանը:

Այս մասին հայտնում է Lenta.ru-ն` հղում անելով գերմանական աղբյուրին: Մահվան պատճառը դեռևս չի նշվում:

Գերմանական կառավարության ղեկավարի պաշտոնը Կոլն զբաղեցրել է 1982-1998 թվականներին: Այդ պաշտոնում նրա կարևորագույն ձեռքբերումներից մեկը Գերմանիայի միավորումն է եղել: 1991-ին նա ընտրվել է միավորված երկրի առաջին կանցլերի պաշտոնում:

Այնուամենայնիվ նրա կարիերայի ավարտն ուղեկցվել է կոռուպցիոն սկանդալով` կապված «Քրիստոնեա-դեմոկրատական միություն» կուսակցության անօրինական ֆինանսավորման հետ: