Ֆրանսահայերը ստորագրահավաք են նախաձեռնել՝ Միսաք Մանուշյանի աճյունը Փարիզի պանթեոն տեղափոխելու համար
Ֆրանսահայերը ստորագրահավաք են նախաձեռնել՝ ֆրանսահայ բանաստեղծ, ֆրանսիական դիմադրության շարժման մարտիկ Միսաք Մանուշյանի աճյունը Փարիզի պանթեոնում զետեղելու համար։ Այս մասին Tert.am-ին հայտնեց նախաձեռնության համահեղինակ կազմակերպության՝ «Արմենիա» միության ղեկավար Գրիգոր Ամիրզայանը:
«Ստորագրահավաքը սկսվել է մայիսի սկզբներից: Այս պահի դրությամբ համացանցում նախաձեռնությանը միացել է 576 Ֆրանսիայի ֆրանսիացի: Ակնկալում ենք, որ Ֆրանսիան կորոշի աճյունը Փարիզի պանթեոնում զետեղել»,- ասաց նա:
Գրիգոր Ամիրզայանն ասաց, որ այս պահի դրությամբ, ընդհանուր առմամբ, հավաքվել է մոտ 1200 ստորագրություն, 2000-3000 ստորագրություն հավաքվելու դեպքում, նամակով իրենց պահանջը ներկայացնելու են Ֆրանսիայի նախագահ Էմանուել Մակրոնին:










