Եղանակն՝ այսօր
Սաուդյան Արաբիան թույլ չի տվել Թուրքիային ռազմաբազա տեղակայել իր տարածքում
Սաուդյան Արաբիայի իշխանությունները հայտարարել են, որ իրենց երկիրը թուրքական ռազմաբազայի կարիքը չունի, որի նմանն արդեն գործում է Քաթարում: Gazeta.ru-ի հաղորդմամբ` այս մասին ասվում է սաուդական կառավարական կայքի հաղորդագրության մեջ:
«Սաուդյան Արաբիա թագավորությունը չի կարող թույլ տալ Թուրքիային ռազմաբազա կառուցել իր տարածքում», - ընդգծել է երկրի իշխանությունների պաշտոնական աղբյուրը:
Նրա խոսքով` իրենք թուրքական զինուժի կարիքը չունեն, իսկ սաուդական բանակը հիանալի վիճակում է գտնվում և կարող է պայքարել ահաբեկչության դեմ:
Թուրքիայի նախագահ Ռեջեփ Թայիփ Էրդողանն ավելի վաղ առաջարկել էր թագավորությունում ռազմաբազա կառուցել:
Թուրք արտգործնախարար Մեվլութ Չավուշօղլուն Սաուդյան Արաբիա էր մեկնել, որտեղ բանակցություններ է վարել թագավորության իշխանությունների հետ:
Studio One