Լատինական Ամերիկայի երկրների մի շարք ղեկավարներ քննադատել են Կուբայի հետ կապված Թրամփի որոշումը

04:06 • 17.06.17

Մեքսիկայի, Վենեսուելայի արտգործնախարարներն ու Բոլիվիայի նախագահը խստորեն քննադատել են ԱՄՆ նախագահ Դոնալդ Թրամփի Կուբայի հետ հարաբերությունների կարգավորման մասին Օբամայի վարչակազմի որոշման չեղարկումը:

Թրամփը հայտարարել էր, որ չեղարկում է Վաշինգտոնի և Հավանայի միջև հարաբերությունների կարգավորման մասին միակողմանի գործարքը, որը նախորդ վարչակազմը կնքել է Կուբայի հետ:

«Ես ամբողջովին չեղարկում եմ միակողմանի գործարքը Կուբայի հետ, որը կնքվել է նախորդ վարչակազմի կողմից», - ТАСС գործակալության փոխանցմամբ` Թրամփը հայտարարել է Մայամիում ելույթ ունենալիս` ընդգծելով, որ այս որոշումն ուժի մեջ է մտնում անմիջապես:

Թրամփը Կուբային կոչ է արել նոր համաձայնագիր մշակել, որը կբխի երկու երկրի շահերից:

«Կոչ ենք անում Կուբային նստել բանակցությունների սեղանի շուրջ նոր համաձայնագրով, որը լավագույնս կհամապատասխանի նրանց և մեր ժողովուրդների շահերին», - ասել է Թրամփը: