Թուրքիայում միայն կանանց համար նախատեսված վագոնով գնացքներ են հայտնվել
Թուրքիայի Բուրսա քաղաքի գնացքներում վագոններ են հայտնվել, որ կարող են մուտք գործել միայն կանայք:
Ինչպես հաղորդում է Hurriyet Daily News-ը, այս որոշումը բացասաբար է ընդունվել քաղաքում բնակվող կանանցից շատերի կողմից:
«Դուք չեք կարող վերջ դնել սեռական ոտնձգություններին` կանանց առանձին վագոններում տեղավորելով: Կանայք և տղամարդիկ միասին են լինում նաև այլ վայրերում: Դուք չեք կարող այդկերպ խուսափել դրանից», - ասել է վրդովված ուղևորուհիներից մեկը:
Տղամարդ ուղևորներից մեկի խոսքով` նման որոշումները ճիշտ չեն: «Մի՞թե ես չէի կարողանա դստերս հետ նույն վագոնը նստել, եթե դուստր ունենայի»,-մեկնաբանել է նա:
Այնուամենայնիվ Բուրսայի քաղաքապետ Ռեջեփ Ալթեփեն վստահեցրել է, որ այդ որոշումը կայացվել է մեծաթիվ կանանց կողմից ստացված դիմումների հիման վրա:










