Հորդանանի թագավորն օգնել է մարել իր պալատի կողքին բռնկված հրդեհը (տեսանյութ)

15:52 • 19.06.17

Հորդանանի թագավոր Աբդալլա 2-րդը միացել է կամավորներին ու օգնել մարել մայրաքաղաք Ամմանի արվարձաններից մեկում բռնկված անտառային հրդեհը:

Ինչպես նշում է Al Arabiya-ն, վայրը, որտեղ բռնկվել էր կրակը, գտնվում է թագավորական պալատի կողքին:

«Զինվորականների, հրշեջների և այլոց օգնությամբ բռնկված հրդեհը հաջողվել է մարել: Շնորհակալ եմ բոլորին կատարած աշխատանքի համար»,-իր թվիթերյան էջում գրել է միապետը:

Համացանցում տարածված տեսանյութում երևում է՝ ինչպես է Աբդալլան պայքարում կրակի դեմ:

Տեսանյութը կարող եք դիտել այստեղ: