Դեսպան Անդրեյ Կառլովի սպանությունից կես տարի անց Պուտինը նոր դեսպան է նշանակել Թուրքիայում
Թուրքիայում ՌԴ դեսպան Անդրեյ Կառլովի սպանությունից կես տարի անց, Ռուսաստանի Դաշնության նախագահ Վլադիմիր Պուտինն Ալեքսեյ Երխովին Թուրքիայում ՌԴ դեսպան է նշանակել։ Համապատասխան հրամանագիրը հրապարակվել է իրավական տեղեկատվության պաշտոնական պորտալում, գրում է ria.ru-ն։
Մայիսին նրա թեկնածությանը հավանություն էր տվել Պետդումայի միջազգային հարցերի հանձնաժողովը։
Մինչ նշանակումը, Երխովը եղել է ՌԴ ԱԳՆ Իրավիճակային-ճգնաժամային կենտրոնի դեպարտամենտի տնօրենը, իսկ մինչ այդ մի քանի տարի եղել Ստամբուլում ՌԴ գլխավոր հյուպատոսը։
Հիշեցնենք, որ Թուրքիայում ՌԴ դեսպան Անդրեյ Կառլովի դեմ հարձակումն իրականացվել է 2016թ.-ի դեկտեմբերի 19-ին Անկարայում տեղի ունեցած լուսանկարչական ցուցահանդեսի ժամանակ: Մարդասպան Մևլութ Մերթ Ալթընթաշը, որը նախքան այդ 2.5 տարի աշխատել է ոստիկանությունում, ոչնչացվել է դեպքի վայր ժամանած իրավապահների կողմից:











