Լրատվամիջոցները հայտնում են Աբխազիայի կառավարության շենքում կրակոցների մասին

14:49 • 20.06.17

Աբխազիայի կառավարության շենքում տեղի է ունեցել հրաձգություն, այս մասին հաղորդում է «Абхазия-информ»-ը: 

Հայտնի է, որ հրաձգությունը տեղի է ունեցել շենքի երրորդ կորպուսում՝ 1992-93թթ.-ի պատերազմի հաշմանդամների հիմնադրամի ղեկավարի աշխատասենյակի մոտ:

Գործակալությունը հայտնում է, որ կրակողի անձնական տվյալները դեռևս ճշտվում են:

Լրատվամիջոցները նաև նշում են, որ դեպքի հետևանքով ոչ ոք չի տուժել:

Այլ մանրամասներ առայժմ չեն հաղորդվում: