Հյուսիսային Կորեայից ազատ արձակված ամերիկացի ուսանողը մահացել է. աղբյուր

03:29 • 20.06.17

Ամերիկացի Օտտո Ուորմբիերն, ով ազատվել էր Հյուսիսային Կորեայից ու տեղափոխվել ԱՄՆ, մահացել է՝ ՏԱՍՍ լրատվական գործակալության փոխանցմամբ:

Անցյալ շաբաթ Օտտոն ազատ էր արձակվել Հյս. Կորեայի բանտից ու տեղափոխվել հայրենիք՝ կոմայի մեջ գտնվելով։ Բժիշկները նրա մոտ ախտորոշել էին գլխուղեղի ծանր վնասվածք։

Փհենյանի տարբերակի համաձայն՝ Ուորմբիերը բոտուլիզմով էր հիվանդանցել բանտում, քնաբեր էր ընդունել ու կոմայի մեջ ընկել։

ԱՄՆ Պետքարտուղարությունը հայտնել էր, որ հաջողվել է պայմանավորվել երիտասարդի ազատ արձակման շուրջ, ով 15 տարվա ուղղիչ աշխատանքների էր դատապարտվել, քանի որ քարոզչական պաստառ էր պատռել Փհենյանում: