Սիրիայում միջազգային կոալիցիայի օդուժի հասցրած հարվածի հետևանքով նույն ընտանիքի 12 անդամ է զոհվել
Սիրիայում միջազգային կոալիցիայի օդային ուժերը Միացյալ Նահանգների հովանու ներքո երկուշաբթի հարվածներ են հասցրել Իրաքի հետ սահմանի մոտ գտնվող սիրիական Թել-Շաեր գյուղին:
Ինչպես հաղորդում է ՍԱՆԱ գործակալությունը, օդային հարձակման հետևանքով զոհվել է նույն ընտանիքի 12 գյուղացի:
Ամերիկյան օդային հարձակումների և դրա դաշնակիցների հասցրած հարվածների հետևանքով Սիրիայի Ռաքքա և Դեյր-Զոր նահանգներում վերջին մեկ ամսվա ընթացքում միայն զոհվել է ավելի քան 200 խաղաղ բնակիչ:










