«Սասնա ծռերից» Գագիկ Եղիազարյանը հեռացվեց նիստերի դահլիճից. 14 մեղադրյալի գործով նիստն ընդմիջվեց
Ավան և Նոր Նորք վարչական շրջանների ընդհանուր իրավասության առաջին ատյանի դատարանում մեկ ժամ հետաձգվելուց հետո «Սասնա ծռերից» 14-ի գործով երկրորդ արտագնա դատական նիստը սկսվեց՝ դատավոր Արտուշ Գաբրիելյանի նախագահությամբ:
Հետաձգվելուց հետո փաստաբան Երվանդ Վարոսյանն ասաց, որ փաստաբանները չեն խուզարկվել:
Դատական նիստի մեկնարկին Պավլիկ Մանուկյանի պաշտպան Հարություն Բաղդասարյանը բարձրացրեց փաստաբաններին խուզարկելու հարցը, ինչին ի պատասխան նիստը նախագահող դատավորն ասաց, որ դա զննություն է, որը սահմանված է Դատական օրենսգրքի 214 հոդվածով.
«214 հոդվածի 3-րդ կետը հստակ սահմանում է, որ դատական կարգադրիչն իրավունք ունի զննության ենթարկել դատական նիստերի դահլիճ մուտք գործող անձանց և նրանց իրերը»:
Դիտարկմանը, թե մեղադրող դատախազները զննության էլ չեն ենթարկվել, դատավորը պատասխանեց, որ նրանց նույնպես զննել են. «Ես չեմ տեսել, ես չեմ կարող նման կարգադրություն տալ, սակայն օրենքով սահմանված կարգով զննել են: Էս հարցը փակեցինք»:
Դատավարության մասնակիցներին ներկայացվեցին իրենց իրավունքներն ու պարտականությունները, այդ թվում՝ դատավորին բացարկ հայտնելը, ինչին ի պատասխան ամբաստանյալ Գագիկ Եղիազարյանն ասաց. «Մենք ռեժիմին վաղուց ենք բացարկ հայտնել, բայց չի ընդունել, ի՞նչ կարիք կա անհատապես բացարկ հայտնել»:
Նախագահող դատավորն ասաց, որ Եղիազարյանի նկատմամբ դատական սանկցիա է կիրառում՝ նախազգուշացում, սակայն Եղիազարյանն ասաց, որ, ամեն դեպքում, ինքն իր խոսքը կավարտի. «Մենք բացարկ հայտնել ենք, ցանկացած սանկցիա կարող եք կիրառել»:
Տեղից միջամտեց նաև ամբաստանյալ Վարուժան Ավետիսյանը, ով նույնպես նախազգուշացվեց դատարանի կողմից:
Գագիկ Եղիազարյանը նախազգուշացումից հետո կրկին խոսեց, ինչը դատավորը որակեց որպես անհարգալից վերաբերմունք դատարանի նկատմամբ. «Դուք նախազգուշացումից հետո կրկին խոսում եք, դրա համար դատական սանկցիա է կիրառվում ձեր նկատմամբ: Գագիկ Եղիազարյանը հեռացվում է նիստերի դահլիճից վեց ժամով: Հայտարարվում է ընդմիջում մեկ ժամով»:
Հիշեցնենք, որ նախորդ տարվա հուլիսի 17-ին ոստիկանության ՊՊԾ գունդը գրավելու և զուգորդված գործողություններ անելու համար
Պավել Մանուկյանին մեղադրանք է առաջադրվել ՀՀ ՔՕ-ի 35-225-րդ հոդվածի 1-ին մասով, 235-րդ հոդվածի 3-րդ մասով,219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով:
Վարուժան Ավետիսյանին մեղադրանք է առաջադրվել ՀՀ քրեական օրենսգրքի 35-225-րդ հոդվածի 1-ին մասով, 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով:
Մխիթար Ավետիսյանին՝ 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով,
Աշոտ Պետրոսյանին՝ 235-րդ հոդվածի 3-րդ մասով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 185-րդ հոդվածի 3-րդ մասի 1-ին կետով,
Արայիկ Խանդոյանին՝ 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով,
Էդվարդ Գրիգորյանին՝ 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 185-րդ հոդվածի 3-րդ մասի 1-ին կետով,
Գագիկ Եղիազարյանին՝ 235-րդ հոդվածի 3-րդ մասով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով,
Արմեն Բիլյանին՝ 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 104-րդ հոդվածի 2-րդ մասի 2-րդ, 3-րդ և 11-րդ կետերով, 238-րդ հոդվածի 4-րդ մասի 1-ին և 2-րդ կետերով, 177-րդ հոդվածի 3-րդ մասի 1-ին և 2-րդ կետերով:
Սմբատ Բարսեղյանին՝ ՀՀ քրեական օրենսգրքի 235-րդ հոդվածի 3-րդ մասով, 104-րդ հոդվածի 2-րդ մասի 1-ին, 2-րդ, 3-րդ և 11-րդ կետերով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով:
Արեգ Կյուրեղյանին՝ 235-րդ հոդվածի 3-րդ մասով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, Արմեն Լամբարյանին՝ 235-րդ հոդվածի 3-րդ մասով, 185-րդ հոդվածի 3-րդ մասի 1-ին կետով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով:
Սեդրակ Նազարյանին՝ 235-րդ հոդվածի 3-րդ մասով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով:
Արմեն Լամբարյանին մեղադրանք է առաջադրվել 235-րդ հոդվածի 3-րդ մասով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով:
Սեդրակ Նազարյանին 235-րդ հոդվածի 3-րդ մասով, 219-րդ հոդվածի 3-րդ մասի 1-ին կետով, 218-րդ հոդվածի 3-րդ մասի 1-ին կետով, 238-րդ հոդվածի 4-րդ մասի 1-ին և 2-րդ կետերով, 185-րդ հոդվածի 3-րդ մասի 1-ին կետով:
Կարո Եղնուկյանին մեղադրանք է առաջադրվել ՀՀ քրեական օրենսգրքի 38-219-րդ հոդվածի 3-րդ մասի 1-ին կետով և 38-218-րդ հոդվածի 3-րդ մասի 1-ին կետով :
Խաչատուր Գիչյանին մեղադրանք է առաջադրվել ՀՀ ՔՕ-ի 38-219-րդ հոդվածի 3-րդ մասի 1-ին կետով:










