Մելանյա Թրամփի ոճային կերպարը Հնդկաստանի վարչապետի հետ հանդիպմանը (լուսանկարներ)
Միացյալ Նահանգների առաջին տիկին Մելանյա Թրամփը շարունակում է կատարելագործել իր ոճն ու հանդիպումից հանդիպում ավելի գրավիչ է դառնում:
Երեկ 47-ամյա նախկին մոդելն ամուսնու՝ ԱՄՆ նախագահ Դոնալդ Թրամփի հետ Սպիտակ տանը հյուրընկալել է Հնդկաստանի վարչապետ Նարենդրա Մոդիին:
Ինչպես նշում է The Daily Mail-ը, այս առիթի համար տիկին Թրամփն ընտրել է ավելի քան 2.000 դոլար արժողությամբ Emilio Pucci երկարափեշ զգեստ, որում շատ տպավորիչ տեսք է ունեցել:
Աղբյուրը նկատում է, որ առաջին տիկինը պատահական չէ այս հանդիպման համար նախապատվությունը տվել ծաղկային նախշերով վառ գույնին, քանի որ դա խիստ բնորոշ է հնդկական մշակույթին:
Ինչ վերաբերում է Թրամփի ու Մոդիի հանդիպման քաղաքական կողմին, ապա ղեկավարները հիմնականում քննարկել են տնտեսությանն առնչվող հարցեր:
Դոնալդ Թրամփը նաև նշել է, որ ինքն ու Հնդկաստանի վարչապետը սոցմեդիայի համաշխարհային առաջնորդներն են՝ նկատի ունենալով այն փաստը, որ Մոդին Twitter-ում ունի 31 մլն, իսկ ինքը՝ 32.8 մլն հետևորդ:



















