Բրազիլիայում անհայտ անձինք փորձել են մեքենայով ներխուժել նախագահի նստավայր

09:16 • 29.06.17

Երեկ երեկոյան անհայտ անձանց խումբը փորձել է մեքենայով ներխուժել Բրազիլիայի նախագահ Միշել Թեմերի նստավայրի տարածք, հայտնում է ria.ru-ն:

Նշվում է, որ մեքենան հարվածել է Ալվորադա պալատի պարսպին: Պարսպի մոտ ընկած են եղել փամփուշտներ:

Ոստիկանության փոխանցմամբ՝ ձերբակալվել է մեկ մարդ:

Միջադեպից հետո մայրաքաղաք Բրազիլիայում գտնվող նախագահական նստավայրի տարածքի հսկողությունն ուժեղացվել է:

Աղբյուրը հավելում է, որ հարձակման ժամանակ Թեմերը նստավայրում չի եղել: