Ողբերգական ավտովթար «Հրազդան» մարզադաշտի մոտակայքում. կա զոհ

01:44 • 01.07.17

Հուլիսի 1-ին, ժամը 00:01-ին ահազանգ է ստացվել, որ Երևան քաղաքի «Հրազդան» մարզադաշտի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

 

Պարզվել է, որ «Toyota Corolla» մակնիշի 134 PI 01 պետհամարանիշով ավտոմեքենան (վարորդ՝ 1982 թ. ծնված Դ. Բ.) դուրս է եկել ավտոճանապարհի երթևեկելի գոտուց և բախվել արտաքին լուսավորման սյանը, ապա հայտնվել հանդիպակաց երթևեկելի գոտում:

 

Ուղևոր Ա. Ղ.-ը տեղում մահացել է, իսկ վարորդ՝ Դ. Բ.-ը հոսպիտալացվել է «Արմենիա» ՀԲԿ: 


Փրկարարները Ա. Ղ.-ի դին մոտեցրել են դի տեղափոխող ավտոմեքենային, հոսանքազրկել են «Toyota Corolla» մակնիշի ավտոմեքենան և կատարել ավտոճանապարհի լվացման աշխատանքներ: