ԱՄՆ-ը հանել է Աբու Դաբի - ԱՄՆ օդանավերով նոթբուք տեղափոխելու արգելքը
Արաբական Միացյալ Էմիրությունների Etihad Airways ավիաընկերությունը կիրակի հայտնել է, որ ամերիկյան վերահսկիչ մարմինները չեղարկել են Աբու Դաբիից ԱՄՆ մեկնող օդանավերում էլեկտրոնային սարքավորումներ տեղափոխելու արգելքը:
Ինչպես հայտնում է ТАСС գործակալությունը` վկայակոչելով արաբական աղբյուրը, այս որոշումը կայացվել է Աբու Դաբիի միջազգային օդանավակայանում անվտանգության միջոցառումների խստացումից հետո:
Մարտի 21-ին ամերիկյան իշխանություններն 10 խոշորագույն միջազգային օդանավակայաններից ԱՄՆ թռչող ուղևորներին արգելել էին բջջային հեռախոսից ավելի մեծ չափի էլեկտրոնային սարքեր բարձրացնել օդանավ: Տվյալ միջոցառումը կիրառվել էր Եգիպտոսից, Հորդանանից, Քաթարից, Քուվեյթից, Մարոկկոյից, ԱՄԷ-ից, Թուրքիայից և Սաուդյան Արաբիայից թռչող ուղևորների նկատմամբ:
Հունիսի 29-ին ԱՄՆ-ի ազգային անվտանգության նախարարությունը հայտնել է 105 երկրի 280 օդանավակայանում անվտանգության միջոցառումների խստացման մասին:










