Լիբանանում հրդեհ է բռնկվել սիրիացի փախստականների ճամբարում

13:17 • 04.07.17

Լիբանանում խոշոր հրդեհ է բռնկվել սիրիացի փախստականների ճամբարի տարածքում, ինչի հետևանքով մահացել է մեկ աղջիկ: Այս մասին հայտնում է Reuters գործակալությունը՝ հղում անելով բուժաշխատողներին:

Գործակալության տվյալների համաձայն՝ հրդեհը բռնկվել է լույս երեքշաբթի՝ երկրի արևելքում գտնվող Բեքաա հովտում: Հրդեհի պատճառների մասին տվյալներ չեն հաղորդվում:

Հայտնի է, որ կիրակի խոշոր հրդեհ էր բռնկվել Լիբանանի Քաբ Իլյաս բնակավայրում տեղակայված փախստականների ճամբարում, որի հետևանքով մի քանի մարդ է մահացել:

Նշվում է, որ վերջերս Լիբանանում սաստիկ շոգ եղանակ է. օդի միջին ջերմաստիճանը 40 աստիճան է, ինչն արդեն հրդեհների պատճառ է դարձել երկրի մի շարք բնակավայրերում: