ԱՄՆ-ում գնդակահարել են ուղղաթիռի առևանգման փորձ կատարած տղամարդուն (լուսանկարներ)

09:43 • 04.07.17

ԱՄՆ-ի Օրեգոն նահանգի Հիլսբորո քաղաքի օդանավակայանում անհայտ տղամարդը փորձել է ուղղաթիռ առևանգել, հաղորդում է Oregonian-ը։ 

Նշվում է, որ անհայտ անձը մուտք է գործել օդանավակայանի տարածք և հարձակվելով ավիացիոն ակադեմիայի հրահանգչի ու նրա աշակերտի վրա՝ կրակոց արձակել և կարճ ժամանակով հաջողացրել մտնել ուղղաթիռ։

Ուղղաթիռի առևանգման անհաջող փորձից հետո տղամարդը փորձել է դիմել փախուստի, սակայն ոստիկաններից մեկին հաջողվել է հասնել ու վնասազերծել նրան։ 

Հրահանգիչն ու աշակերտը չեն տուժել։ Դեպքի հետ կապված՝ օդանավակայանի աշխատանքը ժամանակավորապես դադարեցվել է։