Խոշոր ավտովթար Տավուշի մարզում. կան վիրավորներ. shamshyan.com

23:49 • 06.07.17

Այսօր՝ հուլիսի 6-ին, ճանապարհային ոստիկանության 2-րդ սպայական գումարտակի 5-րդ վաշտի հետաքննիչ Եգորյանի կողմից նյութեր են նախապատրաստվում՝ հուլիսի 4-ին Տավուշի մարզում տեղի ունեցած ավտովթարի փաստով:


Ինչպես հայտնում է shamshyan.com-ը, ժամը 16:10-ի սահմաններում Վանաձոր-Բագրատաշեն ավտոճանապարհի 90-րդ կմ հատվածում բախվել են Բագրատաշեն գյուղի բնակիչ, 17-ամյա Կարեն Սարգսյանի վարած Opel Astra G մակնիշի 35 GՏ 772 համարանիշի և Վրաստանի քաղաքացի, 47-ամյա Գրիգոլ Տանինյանի վարած Mercedes Benz Vitto մակնիշի BB 244 ՍՍ համարանիշի ավտոմեքենաները:

Վթարի հետևանքով Opel-ի վարորդ Կ. Սարգսյանն ու նրա ուղևոր, համագյուղացի և հասակակից Անդրանիկ Ջուլյանը մարմնական վնասվածքներով տեղափոխվել են Նոյեմբերյանի բժշկական կենտրոն: