Հայաստանը երբեք չի հրաժարվել հանդիպումներից. Էդվարդ Նալբանդյանը` Ադրբեջանի արտգործնախարարի հետ հանդիպելու մասին (տեսանյութ)
Հայաստանը երբեք չի հրաժարվել ԼՂ հարցով հանդիպումներից թե՛ ամենաբարձ մակարդակով, թե՛ ԱԳ նախարարների մակարդակով:
Այս մասին ԱԺ-ում լրագրողների հետ զրույցում ասաց ՀՀ արտաքին գործերի նախարար Էդվարդ Նալբանդյանը:
«Ինչպես մի քանի օր առաջ ասացի, բացառված չէ, որ ԱԳ նախարարների մակարդակով հանդիպում լինի հուլիսին», - նշեց նախարարը:
Դիտարկմանը, թե ինչպես է վերաբերվում օրերս տեղի ունեցածի վերաբերյալ ԵԱՀԿ Մինսկի խմբի համանախագահների հայտարարությանը, Նալբանդյանն ասաց, որ համանախագահները պետք է արձագանքեին, ինչն էլ արեցին:
«Մինչ այդ արձագանքը մենք խոսել էինք ԵԱՀԿ համանախագահների և Կասպրշիկի հետ», - նշեց նա:
Էդվարդ Նալբանդյանը շեշտեց, որ հայկական կողմը բանակցությունների կողմնակից է:
Հարցին՝ Ադրբեջանի կողմից հրապարակած մահացած երեխայի լուսանկարը չի՞ կարող շահարկումների առիթ դառնալ, որ երեխայի մահվան մեջ մեղավոր է հայկական կողմը, Նալբանդյանը նշեց, որ հարցի այն մասը, որը ԱԳՆ մեկնաբանելու տիրույթում է, արդեն իսկ ԱԳՆ-ի կողմից մեկնաբանվել է:










