Դոնալդ Թրամփը կնոջ ու դստեր հետ Լեհաստան է ժամանել (լուսանկարներ, տեսանյութ)
Միացյալ Նահանգների նախագահ Դոնալդ Թրամփն առաջին տիկին Մելանյա Թրամփի, դստեր՝ Իվանկա Թրամփի ու փեսայի`Ջարեդ Քուշների հետ ժամանել է Լեհաստան:
Ինչպես նշում է The Daily Mail-ը, մայրաքաղաք Վարշավայում Շոպենի անվան օդանավակայանում 71-ամյա ղեկավարին ու նրա ընտանիքին ընդունել են մեծ ոգևորությամբ, քանի որ երկրի այժմյան կառավարության քաղաքական հայացքներն ու ընդգծված ազգայնականությունը համընկնում են Թրամփի որդեգրած քաղաքականության հետ:
Թրամփի ժամանման կապակցությամբ երկրի նախագահ Անջեյ Դուդան օդանավակայան է ուղարկել արտաքին քաղաքական գերատեսչության ղեկավարին ու պետնախարարին:
Նշվում է, որ օդանավից իջնելուց հետո Թրամփն ու նրա կինը ողջունել են հավաքված լրագրողներին, իրենց դիմավորող պատվիրակությանը: Նախագահական զույգից հետո օդանավից իջել են Իվանկան ու Ջարեդը:
Աղբյուրը նկատում է, որ նախագահին ուղեկցող կանայք, ինչպես միշտ, ունեցել են էլեգանտ տեսք: Մասնավորապես՝ Մելանյա Թրամփը կրել է մուգ կանաչ թեթև վերարկու, իսկ նրա խորթ դուստրը նախապատվությունը տվել է գինեգույն կոստյումին:




















