Կանանց կրթության և իրավունքների համար պայքարող Մալալա Յուսուֆզայն ավարտել է դպրոցը

23:30 • 08.07.17

Կանանց իրավունքների համար պայքարող պակիստանուհի Մալալա Յուսուֆզայը, ով ողջ աշխարհում մեծ ճանաչում է ձեռք բերել հայրենիքում հանուն կանանց կրթության իրավունքի և այլ անարդարությունների դեմ պայքարելով, հայտնել է, որ ավարտել է դպրոցը:

Ինչպես հաղորդում է CNN-ը, 19-ամյա իրավապաշտպանն այս մասին հայտնել է թվիթերյան գրառմամբ: «Այսօր իմ վերջին օրն է դպրոցում և առաջին օրը Twitter-ում»,-գրել է պակիստանուհին:

Մալալայի պայքարն ու կրթության ձգտումն առաջացրել էր «Թալիբան» շարժման գրոհայինների զայրույթը, որոնք 2012-ին հարձակում էին իրականացրել նրա դպրոցական ավտոբուսի վրա` թիրախավորելով աղջկան: Վնասվածքներից ապաքինվելուց հետո նա կրկին շարունակեց դպրոց հաճախել:

Գրոհայինները նրա դեմ մի շարք հարձակումներ են կազմակերպել, երբ նա սկսել է ոգեշնչել տեղի աղջիկներին` խոսելով  կրթության կարևորության մասին:

Նա հիմնել է «Մալալա» հիմնադրամը, որը դրամահավաք է իրականացնում աղջիկների կրթության համար: Իսկ 2014-ին` 16 տարեկան հասակում նա  դարձել է Նոբելյան խաղաղության մրցանակի ամենաերիտասարդ դափնեկիրը: