Բակո Սահակյանը ծանոթացել է Սոթք-Մարտակերտ մայրուղու շինարարության ընթացքին

21:41 • 09.07.17

Արցախի Հանրապետության Նախագահ Բակո Սահակյանը հուլիսի 9-ին այցելել է Մարտակերտի ու Շահումյանի շրջաններ և ծանոթացել Սոթք-Մարտակերտ մայրուղու շինարարության ընթացքին: 

 

Այս մասին տեղեկացնում են ԱՀ Նախագահի մամուլի ծառայությունից։

 

Չափար գյուղում երկրի ղեկավարը հրավիրել է խորհրդակցություն՝ մայրուղու շինարարության ավարտական փուլի աշխատանքների շուրջ:


Նախագահը կոնկրետ հանձնարարականներ է տվել շահագրգիռ մարմինների ղեկավարներին քննարկված հարցերի պատշաճ լուծման ուղղությամբ՝ ընդգծելով այս շնչերակի կարևոր ռազմավարական նշանակությունը Արցախի համար: