Փարիզի մետրոյի մի քանի կայարան ջրի մեջ է հայտնվել անձրևների պատճառով

13:05 • 10.07.17

Փարիզում հորդառատ անձրևների հետևանքով մետրոպոլիտենի մի քանի կայարան ջրի մեջ է հայտնվել, հայտնում է The Local-ը: Կիրակի երեկոյան փակվել է 15 կայարան, սակայն դրանց մեծ մասը վերսկսել է աշխատանքը երկուշաբթի առավոտյան:


Փարիզի RATP տրանսպորտային կազմակերպության կայքում հաղորդվում է, որ մինչ այժմ փակ է մնում չորս կայարան:


Բացի այդ, շարունակվող հեղեղների պատճառով զգալիորեն դժվարացել է երթևեկությունը Ֆրանսիայի մայրաքաղաքի՝ այլ քաղաքներ տանող ավտոճանապարհներին։


Փարիզի փրկարար ծառայությունը մի գիշերվա ընթացքում ստացել է մոտ 1,7 հազար կանչ՝ կապված հեղեղումների մասին տեղի բնակիչների և զբոսաշրջիկների բողոքներով:


Տեղի օդերևութաբանական ծառայությունը հորդառատ անձրևների պատճառով կիրակի վտանգի «նարնջագույն» մակարդակ է հայտարարել: