Սանկտ Պետերբուրգում այրվում է «Կիրովսկի գործարանը» (լուսանկարներ, տեսանյութ)
Սանկտ Պետերբուրգում խոշոր հրդեհ է բռնկվել «Կիրովսկի գործարանի» տարածքում, որտեղ այրվում է տրակտորների արտադրամասը:
Ինչպես հայտնում է ria.ru-ն՝ արտակարգ իրավիճակների ծառայությանը հղումով, հրդեհի մակերեսը սկզբում եղել է 50 քմ, սակայն աստիճանաբար այն հասել է 1000 քմ-ի:
Որոշ ժամանակ անց հրշեջներին հաջողվել է վերահսկողության տակ առնել կրակը: Ընդհանուր առմամբ, կրակը մարելու աշխատանքում ներգրավված է ավելի քան 100 հրշեջ: Դեպքի վայր է բերվել մոտ 5 տոննա ջուր:
Հայտնի է, որ գործարանի բոլոր աշխատակիցները տարհանվել են, զոհեր կամ տուժածներ չկան:
«Կիրովսկի գործարանը» Ռուսաստանի ամենախոշոր մեքենաշինական հոլդինգներից է, որտեղ աշխատում է ավելի քան 6.000 մարդ:














